لە پێنووسی گریلا بۆ رێبەر ئاپۆ

كلتوور و هونه‌ر1398/11/28

ئەوە دەستپێکی بێ کۆتاییەکانی دنیایە ئازارێکە پڕ بە برین، تینوتر لە لێوی خەنجەر

 

(ئاریوان شۆڕشگێڕ)

ئەوە دەستپێکی بێ کۆتاییەکانی دنیایە

ئازارێکە پڕ بە برین، تینوتر لە لێوی خەنجەر

مەرگەساتی ئەرغەوان و ئەنفالی گۆرانی و سەربڕینی پێکەنین

ئاشنای دێرین قارەمانی سەد چیرۆکی لە گەروودا خنکێندراو

لە خەیاڵدا ناحەجمێی، ئەی خەونی خۆش، وەنەوشەیی تر لە هەستم

وەکوو لاولاو لە غەڵفی شوشی شێعر دەهاڵێی و تا هەورەبانی نیگا دەڕسکێی

ئاشنای دێرین، رێبواری رێگەی رێبەندان

بەفر و باڕند دەستیان نابووە گەرووی جێ پێیەکانت و زریان چاڵی چاوی دەئاخنین

هەنگاوەکانت زایەڵەی نەورۆز بوون و دەستەکانت پڕ لە پەڕەسێلکە

پێش خۆرهەڵات، گوڵ ئەستێرە بووی و خشابووی، کاروان کوژە

لە چاوەکانتەوە هەڵدێ و تەوژمی گزنگی لە ئاواتی گوڵەباخدا

ئاشنای دێرین، پێش باران، کانی بوویو رێکەوتبووی

مزگێنی گوڵەگەنم بووی و خەمی نانت دەڕەواند

پێش شەماڵ گەزیزە بووی و مژدەی بەهار، پڕ لە چیرۆکی کۆن و دێرین

پڕ بە زاری منداڵان ترش و شیرین

ژیان لە سایەتدا باڵا دەکا و پاییز لە خۆشیت زێڕە و شانی سەمای بەفر